Viðtøkur

Meginfelagið fyri Føroysk Hornorkestur

VIÐTØKUR – 12.03.2017

§ 1 Navn og heimstaður

Navn felagsins er Meginfelagið fyri Føroysk Horn­orkest­ur (MFH), og er felag fyri føroysk horn­­­­- og harmoni­­orkestur á áhugaleikara­støði.

Heimstaður felagsins er har, sum ­­for­maður­in, til eina og hvørja tíð, býr.

§ 2 Endamál

Endamál felagsins er at

• Styrkja samarbeiðið millum limirnar.
• Fáa bestu umstøður til at spæla tónleik.
• Vekja ans fyri tónleiki við, við m.a. útgávu.
• Virka fyri at støðið hjá spælarunum verður hækkað.
• Bøta um korini hjá limunum, herundir um­sitingar- og peningaliga.
• Taka sær av málum, sum hava felags áhuga.

Harumframt at arbeiða fyri at:

• føroyskur vokal- og instru­mentaltónleikur verður útsettur, og
• smíðað verða føroysk upp­runa­verk.

§ 3 Limir

Stk. 1 Orkestur, sum eru virkin, og eru skipað eftir vanligum reglum fyri feløg, við egnum lógum og limalista, kunnu skrivliga søkja um limaskap. Umsóknin, saman við samleikaprógvi, t.e. eintaki av felagsviðtøkunum, úrriti av gerðabókini við serligum atliti at, hvørji eru vald í nevndina, og upplýsing um limatal, verður send til nevndina fyri MFH. Nevndin fyrireikar málið til aðalfund, sum tekur avgerð um møguliga upptøku.

Stk.2 Limafeløgini senda eftir sín árliga aðalfund fráboðan til MFH um nýggju nevndina, teldubústað og limatalið í orkestrinum. MFH kann tó til eina og hvørja tíð biðja um umrøddu upplýsingar.

Stk.3 Skúlaorkestur, unglingaorkestur (tilknýtt horn- ella harmoniorkestri) og orkestur, sum eru sett saman til ávís høvi ella ávísa kapping, eru vanliga stovnað og/ ella skipað eftir øðrum leisti, og verða tí ikki roknað at hava limarættindi í MFH.

§ 4 Aðalfundurin

Hægsta vald felagsins er aðalfundurin, sum skal verða hildin í februar mánaði á hvørjum ári.

Nevndin kallar inn til aðalfund og eyka­aðal­fund við trimum vikum freist. Innkallingin skal verða skriv­lig og verða send lima­feløgunum við upp­lýsing um tíð, stað og fundarskrá. Eisini skal verða nevnt, at mál, sum ynski er um at viðgera á aðal­fundi­num, skulu vera nevndini skriv­liga í hendi eina viku innan fundi­num.

Hvørt limafelag kann verða umboðað av formanni­num ella næstformanninum og kann harumframt senda eitt ella tvey umboð til aðalfundin. Hvørt lima­­felag hevur tó bert rætt til eina atkvøðu.

Dagsskráin fyri aðalfundin er:

1. Val av orðstýrara og fundarskrivara.
2. Møgulig upptøka av nýggjum limum.
3. Formansfrágreiðing um virki felagsins í  undan­­­­­­farna ári.
4. Kassameistarin leggur fram grann­skoð­aðan roknskap til góðkenning.
5.  Innkomin mál verða viðgjørd.
6. Val av tveimum, ávikavist einum nevndar­limi/um (jfr. § 4, næstseinasta reglubrot) og tveimum tiltakslimum.
7. Val av grannskoðara og tiltaksgrann­skoð­ara
8. Ásetan av limagjaldi
9. Ymiskt.

Aðalfundur er viðtøkuførur, tá ið meira enn helming­ur­in av limafeløgunum eru møtt á fundi.

Til vanligar atkvøðugreiðslur krevst vanligur meiri­luti. Nevndarval skulu vera skrivlig. Fyri at vera val­bærur, skal viðkomandi aðal­fund­ar­­dagin vera fyltur 18 ár.

Grannskoðari ella tiltaks­grannskoðari nýtast ikki at vera limir.

Hvør nevndarlimur verður valdur fyri tvey ár, so­leiðis, at annað hvørt ár standa ávikavist ein og tveir fyri vali; á fyrsta aðalfundi eftir hesari nýggju skipan verður hetta avgjørt við lutakasti.

Fundarskrivarin skal hava skrivað frásøgn um aðal­fundin innan liðnir eru 14 dagar.

§ 5 Umsiting, roknskapur, tekningarreglur  og grann­­skoðan

Nevndin hevur dagliga raksturin í hondum.

Rokn­skap­­ar­árið er kalendaraárið.

Nevndin ber á­byrgd fyri aðal­fundinum fyri rokn­skap­i­­­num og møgu­­ligari fíggjar­ætlan.

Nevndini er heimilað at útveita dagliga rakstur­in.

Til ávísar verkætlanir ella tiltøk, hevur nevnd­in heim­­ild til at útveita uppgávur til, og – í hesum sam­bandi – at seta undirnevnd/ir, tó uttan hervið at frá­siga sær ábyrgd og av­gerðar­rætt.

Felagið verður teknað av formanninum og einum nevndar­­limi. Nevndin hevur heimild til at geva kassa­­­­meist­­aran­um ella møguligum settum fyrisitara full­trú.

Allar útreiðslur skulu tó vera váttaðar av formanni­num. Verður lán tikið, ella verður føst ogn keypt ella seld, tekna allir nevndar­limirnir í felag.

Felagsins roknskapur verður førdur av kassa­meistaranum ella møguligum settum dagligum leiðara. Roknskapurin verður grannskoðaður av grann­skoð­ara, sum aðalfundurin velur.

§ 6 Limarættindi

Stk. 1 Allir limir hava somu rættindi og skyldur, og MFH kann undir ongum umstøðum blanda seg upp í viðurskifti hjá einstøkum felag, uttan so, at hetta sjálvt biður um tað.

Stk. 2 Limaskapur hjá einstøkum felagi kann takast upp á aðalfundi. Hetta kann tó bert verða gjørt eftir at nevndin framman undan hevur viðgjørt spurningin. Nevndin kann á aðalfundi skjóta upp, at niðurleggja limaskap, t.d. vegna vantandi virksemi.

Stk. 3 Kemur limur í eftirstøðu við limagjaldi fyri roknskaparárið framman undan, verður tað roknað sum hvílandi limur til tann dag limagjaldið verður goldið. Hvílandi limir hava møti- og talurætt á fundum, men tó ikki atkvøðurætt, ella rætt til møguligar veitingar.

§ 7 Broyting av viðtøkunum

Hesar viðtøkur kunnu bert verða broyttar tá ið upp­skot um broyting er á dagsskrá á aðalfundi. Fyri at sam­tykkja broytingaruppskot er ikki nóg mikið við van­­ligum meiriluta, men tá er kravið, at í minsta lagi tveir triðingar skulu atkvøða fyri broyt­ingini, og har­um­­framt skal ein eyka­aðal­fundur 3 vikur seinni  stað­­festa hesa avgerð.

§ 8 Avtøka av felagnum

Verður felagið avtikið falla ognirnar til limir­nar og verða býttar javnt, ella eisini skulu tær verða nýttar til alment gagnilgt tónleikaendamál, soleiðis sum aðal­­fundur­in samtykkir.

Møguligur aðalfundur til avtøku av felagnum verður lýstur sum vanligur aðalfundur.

Er hesin ikki viðtøkuørur, verður lýst til eyka­aðal­fund. Hesin eykaaðalfundur er altíð við­tøku­førur, og uttan mun til uppmøting.

§ 9 Gildiskoma

Viðtøkurnar fyri MFH, eru upprunaliga frá 1. desem­ber 1979, tær eru broyttar 25.september 2004. Oman fyri standandi viðtøkur eru samtyktar á aðal­fundi.  1.oktober 2016 at koma í gildi seinast nevnda dag.